Չորեքշաբթի «Արսենալը» հաղթեց «Մանչեսթեր Յունայթեդին» 2:0 հաշվով՝ երկու գոլ խփելով անկյունայիններից: «Կարմիր սատանաների» գլխավոր մարզիչ Ռուբեն Ամորիմը խաղից հետո ասել է, որ «զինագործների» խաղը կառուցված է անկյունայինների շուրջ, և որ լոնդոնյան թիմի եզրայինները ձգտում են անկյունայիններ վաստակել։
«Արսենալի» գլխավոր մարզիչ Միկել Արտետան պատասխանել է պորտուգալացուն։
«Անցած մրցաշրջանում մենք այս ակումբի պատմության մեջ ամենաշատ գոլերը խփեցինք; Մենք ցանկանում ենք ստեղծել անհատական հրաշալի պահեր: Շատ ֆուտբոլիստներ կարող են իրենք միայնակ գոլ ստեղծել: Մենք կարող ենք գոլ խփել սուր հակագրոհների և երկար դիրքային գրոհների ժամանակ:
Մենք կարող ենք գոլ խփել դիրքային գրոհներում։ Մենք ցանկանում ենք շարունակել կատարելագործվել բոլոր ոլորտներում»,- լրագրողներին ասել է Արտետան: Հաջորդ հանդիպումը «Արսենալը» կանցկացնի կիրակի օրը՝ դեկտեմբերի 8-ին, մրցելով «Ֆուլհեմի» հետ։
