«Յուվենտուսի» նախկին պաշտպան Ջորջիո Կյելինին բացատրել է, թե ինչու է նախընտրում «Ալ-Նասրի» հարձակվող Կրիշտիանու Ռոնալդուին, քան «Ինտեր Մայամիի» հարձակվող Լիոնել Մեսսիին։
«Չեմ կարող ասել, թե ով է ավելի լավը՝ Մեսսին, թե Կրիշտիանուն։ Բայց եթե ընտրեի մեկին, կասեի Ռոնալդուին։ Ինձ դուր եկավ խաղալ նրա հետ։ Ես նկատեցի, որ քանի որ հանդիպումը դժվարանում է, նա բարձրացնում է իր խաղամակարդակը։
Եթե պարտվում ես, Ռոնալդուն քաջություն ունի շարունակելու հաղթել, անկախ ամեն ինչից։ Ամեն տեղից հարվածելը թիմին հաղթանակ տանելու համար շատ ֆուտբոլիստների համար հեշտ չէ։ Ես 35 տարեկան էի, նա՝ 34, մենք ակնհայտորեն մեր ծաղկուն շրջանում չէինք, բայց նրա հետ խաղալը շատ զվարճալի էր», – Կյելինիի խոսքերն է մեջբերում TalkSport-ը։
Հիշեցնենք, որ Կյելինին և Ռոնալդուն միասին խաղացել են «Յուվենտուսում» 2018-ից 2021 թվականներին։ Պորտուգալացի հարձակվողը թուրինյան թիմի կազմում անցկացրել է 134 հանդիպում, դարձել 101 գոլի և 22 գոլային փոխանցման հեղինակ։
