«Մանչեսթեր Յունայթեդի» գլխավոր մարզիչ Ռուբեն Ամորիմը խոսել է Լոնդոնի «Արսենալի» դեմ առաջիկա հանդիպման մասին։
«Կարևոր է համարձակ լինել: Պետք չէ անընդհատ բարձր պրեսսինգ գործադրել, բայց մենք պետք է տիրենք գնդակին։ Դա է բանալին: Մենք ցանկանում ենք վճռորոշ պահերին տիրել, քանի որ դժվար կլինի վերահսկել ամբողջ խաղը»,- մամուլի ասուլիսի ժամանակ ասել է պորտուգալացի մարզիչը։
«Մանչեսթեր Յունայթեդը» 19 միավորով 9-րդն է աղյուսակում, «Արսենալը» 25 միավորով երկրորդն է։
Պրեմիեր լիգայի 14-րդ տուրում «կարմիր սատանաների» արտագնա հանդիպումը կկայանա չորեքշաբթի օրը՝ դեկտեմբերի 4-ին։
