«Մանչեսթեր Սիթիի» պաշտպան և ավագ Քայլ Ուոքերը հայտարարություն է տարածել թիմի վատ արդյունքների ֆոնին: Իրենց վերջին յոթ հանդիպումներում «քաղաքայինները» մեկ ոչ-ոքի են խաղացել և վեց անգամ պարտվել:
«Գիտենք, որ մեր վերջին ելույթները սպասված չափանիշներին չեն համապատասխանել, և գիտենք, որ դժվար է եղել։ Բայց մենք արդեն միասին անցել ենք նման փորձությունների միջով, և մենք կհաղթահարենք սա։
Կարևոր է, որ այս դժվարին ժամանակաշրջանում մենք միասնական մնանք որպես ակումբ: Ձեր աջակցությունը մեզ համար ամեն ինչ է նշանակում՝ լավ և դժվար պահերին:
Մենք տիտղոսներ նվաճեցինք վերջին մրցաշրջաններում, պատմություն կերտեցինք ռեկորդային 100 միավորով։ Մենք կրկին ու կրկին ցույց ենք տվել, որ կարող ենք դիմակայել մարտահրավերին, և մենք դա նորից կանենք: Խոստանում եմ ձեզ, մենք պայքարելու ենք մինչև վերջ»,- գրել է Ուոքերը սոցցանցում։
