«Պարի Սեն Ժերմենի» ղեկավարությունը նոր առաջատար է փնտրում իր թիմի համար, որը կփոխարինի Կիլիան Մբապպեին, ով այս ամառ է տեղափոխվել Մադրիդի «Ռեալ», հայտնում է El Nacional-ը։
Ըստ փարիզյան ակումբին մոտ կանգնած աղբյուրների՝ ՊՍԺ-ի նախագահ Նասեր Ալ-Խելաիֆին կփորձի ապահովել «Լիվերպուլի» առաջատար Մոհամեդ Սալահի տրանսֆերը։
Փարիզյան թիմը պատրաստ է հարձակվողին, ում պայմանագիրը նախատեսված է մինչև 2025 թվականի հունիսի 30-ը, վճարել տարեկան մոտ 40 միլիոն եվրո։ Սպասվում է, որ այս գումարի շնորհիվ, որին կարելի է ավելացնել տարբեր բոնուսներ, Սալահը կդառնա մոլորակի ամենաբարձր վարձատրվող ֆուտբոլիստներից մեկը և ամենաբարձր վարձատրվողը Եվրոպայում։
Փարիզում ակնկալում են, որ 32-ամյա Սալահը կհայտնի իր հավակնությունները՝ դեռևս ամենաբարձր մակարդակով խաղալու համար, ինչի պատճառով նա չի դիտարկի Սաուդյան Արաբիայի կամ ԱՄՆ-ի տարբերակները։
Նաև ՊՍԺ-ն պատրաստ է հունվարին բանակցել «Լիվերպուլի» հետ Սալահի տրանսֆերի շուրջ։ Դա բրիտանացիներին թույլ կտա որոշակի փոխհատուցում ստանալ ֆուտբոլիստի հեռանալուց, որը հետագայում կարող է վերաներդրվել թիմի ուժեղացման համար։
ԱՊԼ-ի ընթացիկ մրցաշրջանում Սալահը 12 խաղում դարձել է 10 գոլի և 6 գոլային փոխանցման հեղինակ։
