Լևերկուզենի «Բայերի» գլխավոր մարզիչ Խաբի Ալոնսոն համարվում է Մադրիդի «Ռեալում» Կառլո Անչելոտտիին փոխարինելու գլխավոր թեկնածուն։
Ինչպես ավելի վաղ հաղորդվել էր, իսպանացին պլանավորում է ընթացիկ մրցաշրջանի ավարտից հետո թողնել «դեղագործների» գլխավոր մարզչի պաշտոնը։
Լրագրող Մատեո Մորետտոյի կարծիքով՝ Ալոնսոյի մտերիմներից ոմանք կարծում են, որ մասնագետը մտադիր է հաջորդ ամառ բաժանվել «Բայերից», որպեսզի կատարի իր երազանքը և պաշտոն ստանձնի Մադրիդի «Ռեալում»։
Խաբի Ալոնսոյի պայմանագիրը «Բայերի» հետ նախատեսված է մինչև 2026 թվականի կեսերը։ Միևնույն ժամանակ ավարտվում է Կառլո Անչելոտտիի գործող պայմանագիրը Մադրիդի «Ռեալի» հետ։
