«Չելսիի» գլխավոր մարզիչ Էնցո Մարեսկան խոսել է Անգլիայի Պրեմիեր Լիգայում չեմպիոնության համար մղվող պայքարի մասին։
«Հաճելի է տեսնել, որ թիմը առաջադիմում է, սա կարևոր է։ Ուրախ զգացողություն է։ Միևնույն ժամանակ, դուք պետք է իրատես լինեք և կարող եք տեսնել մեր և մնացածի տարբերությունը այս պահին: Դա չի նշանակում, որ մենք չենք հաղթելու խաղերում և չենք պայքարելու մինչև վերջ, բայց գլխավորը զգալն է, որ խաղից խաղ կատարելագործվում ենք:
«Սիթին» երեք հանդիպում անընդմեջ պարտվել է, բայց շարունակում է մնալ երկրորդ տեղում: Արսենալը մոտ է, Լիվերպուլը ֆանտաստիկ արդյունքներ է ցույց տալիս։ Ինձ համար կարևոր է ոչ թե միավորների քանակն ու մրցաշարային աղյուսակը, այլ հենց գործընթացը»,- Մարեսկայի խոսքերն է մեջբերում «Չելսիի» պաշտոնական կայքը:
«Չելսին» զբաղեցնում է մրցաշարային աղյուսակի երրորդ հորիզոնականը՝ «Լիվերպուլից» զիջելով 9 միավորով:
