Իսպանիայի հավաքականի և «Մանչեսթեր Սիթիի» կիսապաշտպան Ռոդրին, ով պատռել էր խաչաձև կապանները, հայտարարել է մինչև այս մրցաշրջանի ավարտը խաղադաշտ վերադառնալու ցանկության մասին։
«Իմ նպատակն է վերադառնալ այս մրցաշրջանում: Ես չեմ հրաժարվում պայքարելուց: Այնուամենայնիվ, չեմ ուզում սխալվել։ Իմ նպատակն է վերականգնվել վեց-յոթ ամսում։
Ես, այսպես ասած, վայելում եմ իմ արձակուրդը։ Սկզբում վստահ էի, որ ամեն ինչ այնքան էլ վատ չէ, իսկ հիմա դրական եմ վերաբերվում այս ամենին», – Ռոդրիի խոսքերն է մեջբերում BBC-ն:
Այս մրցաշրջանում կիսապաշտպանը երեք հանդիպում է անցկացրել բոլոր մրցաշարերում, որոնցում արդյունավետ չի եղել։
