Մադրիդի «Ռեալի» լեգենդ Գուտին կիսվել է Կիլիան Մբապպեի խաղի մասին իր կարծիքով։
Չեմպիոնների լիգայի հինգերորդ տուրում մադրիդյան ակումբը արտագնա խաղում 0։2 հաշվով պարտվեց «Լիվերպուլին»։
Հանդիպման 61-րդ րոպեին ֆրանսիացի հարձակվողը վրիպեց 11 մետրանոցից։
«Մենք բոլորս կցանկանայինք իմանալ, թե ինչն է սխալ Մբապպեի հետ: Նա վստահության պակաս ունի։ 11 մետրանոցից րոպեներ առաջ նա վախեցած տեսք ուներ:
«Լիվերպուլի» և «Բարսելոնայի» դեմ խաղերում Կիլիանը չկարողացավ կատարել առաջադրանքը։ Սա է իրականությունը։
Դժվար է պատկերացնել, որ նա կարող է արագ հարմարվել «Ռեալի» նման ակումբին։ Այստեղ խաղալը շատ դժվար է:
Մենք պետք է պաշտպանենք նրան։ Պերեսը, ակումբը և Անչելոտտին կպաշտպանեն նրան, քանի որ մենք բոլորս հավատում ենք նրան:
Ես հավատում եմ նրան»,- ասել է Մադրիդի «Ռեալի» նախկին ֆուտբոլիստ Գուտին El Chiringuito de Jugones-ի եթերում:
