«Ինտեր Մայամիի» հարձակվող Լուիս Սուարեսը երկարաձգել է պայմանագիրը ամերիկյան թիմի հետ, հայտնում է ակումբի պաշտոնական կայքը։

37-ամյա ուրուգվայցու հետ նոր համաձայնագիրը նախատեսված է մինչև 2025 թվականի MLS-ի մրցաշրջանի ավարտը։

Սուարեսը «Ինտեր Մայամի» է տեղափոխվել «Գրեմիոյից» այս տարվա հունվարին։ Այդ ժամանակից ի վեր նա ամերիկյան թիմի կազմում անցկացրել է 37 հանդիպում, խփել 25 գոլ և կատարել 12 գոլային փոխանցում։