«Մանչեսթեր Յունայթեդի» պաշտպան Դիոգո Դալոտը խոսել է թիմի գլխավոր մարզիչ Ռուբեն Ամորիմի մասին։
«Ամորիմը հենց նա է, ով մեզ պետք է այսպիսի ակումբի համար: Նա շատ պահանջկոտ է։ Սա այն ստանդարտն է, որը պետք է ունենա ակումբը` մարդկանցից պահանջել պրոֆեսիոնալ լինել և քրտնաջան աշխատել թիմի համար:
Սա այն հստակ ուղերձն է, որը Ամորիմը տալիս է մեզ ամեն օր»,- Դալոտի խոսքերն է մեջբերում լրագրող Ֆաբրիցիո Ռոմանոն: Ռուբեն Ամորիմի գլխավորությամբ իր դեբյուտային խաղում «Մանչեսթեր Յունայթեդը» կիրակի օրը ոչ-ոքի խաղաց «Իպսվիչ Թաունի» հետ։
Հաջորդ հանդիպումը թիմը կանցկացնի նոյեմբերի 28-ին՝ Եվրոպայի լիգայի շրջանակներում «Բոդյո-Գլիմտի» հետ:
