Մրցաշրջանի ընթացքում Մադրիդի «Ռեալը» կադրային լուրջ խնդիրների է բախվում պաշտպանական գծում։

Մադրիդյան ակումբն ուսումնասիրում է պաշտպանների շուկան։ Անշուշտ, «Լոս Բլանկոսը» կփորձի նորեկ ձեռք բերել պաշտպանությունում, եթե ոչ գալիք ձմռանը, ապա ամռանը։

Ինչպես հայտնում է Transfer News Live-ը՝ հղում անելով TEAMtalk-ին, Մադրիդի «Ռեալը» ուսումնասիրում է «Էվերթոնի» պաշտպան Ջերեդ Բրանթվեյթին ձեռք բերելու հնարավորությունը:

22-ամյա ֆուտբոլիստը առաջընթաց է գրանցում՝ նա նույնիսկ հունիսին իր նորամուտը նշեց Անգլիայի հավաքականում։

Հավելենք, որ Transfermarkt հեղինակավոր պորտալի մասնագետները Ջերեդ Բրանթվեյթին գնահատում են 42 մլն եվրո։