Մադրիդի «Ատլետիկոյի» գլխավոր մարզիչ Դիեգո Սիմեոնեն իր 700-րդ հանդիպումն է անցկացրել ակումբի ղեկին։ Հիշեցնենք, որ Լա Լիգայի 2024/25 մրցաշրջանի 14-րդ տուրում մադրիդյան ակումբը 2։1 հաշվով հաղթեց «Ալավեսին»։
Այսպիսով, 54-ամյա Սիմեոնեն դարձավ Լա Լիգայի պատմության մեջ առաջին մարզիչը, ով 700 պաշտոնական հանդիպում է անցկացրել թիմի ղեկին։
Դիեգոն մադրիդյան ակումբը գլխավորում է 2011 թվականից։ Այս ընթացքում «Ատլետիկոն» հաղթել է 413 խաղում, 156 հանդիպում ավարտել ոչ-ոքի և 131 պարտություն կրել։
