«Մանչեսթեր Յունայթեդի» նախկին մարզիչ Ռուդ վան Նիստելռոյը կարող է անգլիական թիմ մարզել։
Ինչպես հաղորդում է Football Insider-ը, հոլանդացի մասնագետի նկատմամբ հետաքրքրություն են ցուցաբերում «Սաութհեմփթոնը», «Վուլվերհեմփթոնը» և «Քրիսթալ Փելասը»:
Հիշեցնենք, որ վան Նիստելռոյը ժամանակավորապես գլխավորում էր «Մանչեսթեր Յունայթեդը»։
Նրա գլխավորությամբ թիմը տարավ երեք հաղթանակ և մեկ անգամ ոչ-ոքի խաղաց, սակայն «Մանչեսթեր Յունայթեդի» գլխավոր մարզչի պաշտոնում նշանակված Ռուբեն Ամորիմը որոշել է նրան չտանել իր աշխատակազմ, թեև հոլանդացին դա կցանկանար։
