Մյունխենի «Բավարիայի» տնօրենների խորհրդի անդամ Ուլի Հյոնեսը մեկնաբանել է բելգիացի մասնագետ Վենսան Կոմպանիի աշխատանքը։
«Նա բաց մարզիչ է, ով մտածում է իր տղաների մասին: Սակայն մենք նախկինում այդ մասին չգիտեինք։ Այսպիսով, մենք կապ հաստատեցինք Գվարդիոլայի հետ և լսեցինք նրա կարծիքը:
Պեպն ասաց, որ մենք պետք է բերենք Վենսանին։ Նրա կարծիքով, Կոմպանին գլուխ կհանի»,- Հյոնեսի խոսքերն է փոխանցում Bayern and Germany-ն։
Բելգիացի մարզիչը «Բավարիան» գլխավորել է այս տարվա մայիսին։ Կողմերը երկարաժամկետ աշխատանքային պայմանագիր են կնքել մինչև 2027 թվականի ամառ։
