«Բրայթոնի» հարձակվող Էվան Ֆերգյուսոնը շարունակում է մնալ «Չելսիի» ուշադրության կենտրոնում:
«Չելսին» նախկինում արդեն հետաքրքրություն է հայտնել խոստումնալից իռլանդացու նկատմամբ՝ Պրեմիեր Լիգայի շատ այլ գրանդների հետ միասին:
«Չելսին» շարունակում է հետևել 20-ամյա հարձակվողին, հայտնում է լրագրող Սայմոն Ֆիլիպսը: Այս պահին նա ստիպված է բավարարվել «Բրայթոնում» փոխարինողի դերով։
Անգլիայի ընթացիկ առաջնությունում Էվան Ֆերգյուսոնը վեց խաղում դարձել է մեկ գոլի հեղինակ։ Ֆուտբոլիստը մեկնարկային կազմում է հայտնվել միայն մեկ անգամ։ Transfermarkt-ի տվյալներով՝ Ֆերգյուսոնի ներկայիս արժեքը կազմում է 45 միլիոն եվրո:
