«Բարսելոնայի» կիսապաշտպան Պեդրին խոստովանել է, որ տպավորված է իր թիմակից Մարկ Կասադոյի խաղով։
21-ամյա հենակետային կիսապաշտպանը հրաշալի մրցաշրջան է անցկացնում «Բարսելոնայի» առաջին թիմում։
«Ես Կասադոյին պիտբուլ եմ անվանում։ Նա իսկական գազանի է վերածվում, երբ ճնշում է գործադրում և փորձում ետ նվաճել գնդակը:
Նա ինձ շատ զարմացրեց»,- Պեդրիի խոսքերն է մեջբերում Barca Universal-ը։
Այս մրցաշրջանում Մարկ Կասադոն «Բարսելոնայի» կազմում անցկացրել է 15 հանդիպում՝ դառնալով 5 գոլային փոխանցման հեղինակ:
Նոյեմբերի 23-ին կատալոնական գրանդը Լա Լիգայում արտագնա խաղում կխաղա «Սելտա Վիգոյի» հետ:
