«Լաս Պալմասի» կիսապաշտպան Ալբերտո Մոլեյրոն հայտնվել է Լոնդոնի «Արսենալի» տեսադաշտում։
Իսպանական ակումբում մրցաշրջանի ավարտից հետո կմտածեն 21-ամյա ֆուտբոլիստին վաճառելու մասին, եթե չկարողանան համաձայնության գալ նրա հետ նոր պայմանագրի շուրջ:
Ըստ Superdeporte-ի՝ իսպանացու նկատմամբ հետաքրքրություն է ցուցաբերում «Արսենալը»: Ֆուտբոլիստը հավանություն է տալիս Լոնդոն տեղափոխվելու տարբերակին։
Նա հետաքրքիր է համարում «զինագործների» կազմում հանդես գալը։ Տրանսֆերի արժեքը կարող է կազմել մոտ 20 մլն եվրո։ Լա Լիգայի ընթացիկ առաջնությունում անցկացրած 13 խաղում Ալբերտո Մոլեյրոն դարձել է 4 գոլի հեղինակ։
Իսպանիայի երիտասարդական հավաքականի հարձակվողական ոճի կիսապաշտպանի պայմանագիրը «Լաս Պալմասի» հետ նախատեսված է մինչև 2026 թվականի կեսերը։
Մոլեյրոն ավելի վաղ խոստովանել էր, որ կցանկանար խաղալ «Բարսելոնայում»:
