Բրազիլիայի հավաքականի գլխավոր մարզիչ Դորիվալ Ժունիորը պատասխանել է Նեյմարի՝ հավաքական հնարավոր վերադարձի մասին հարցին:
Նոյեմբերի 4-ին «Ալ-Հիլալի» 32-ամյա հարձակվողը վնասել էր ազդրը ԱՖԿ Չեմպիոնների լիգայի «Էսթեղլալի» հետ հանդիպման ժամանակ (3:0): Նա ընդամենը երկու հանդիպում է անցկացրել ծնկի խաչաձև կապանների վնասվածքից ապաքինվելուց հետո։
«Ես երբեք չեմ թաքցրել իմ հիացմունքը Նեյմարի նկատմամբ: Մենք բոլորս գիտենք, թե որքան տաղանդավոր է նա։ Ես կցանկանայի, որ նա վերադառնա հավաքական այն ժամանակ, երբ թիմը կարող է աջակցել նրան։ Հուսանք, որ դա կրկին տեղի կունենա մարտին կամ պարզապես հաջորդ տարի:
Մենք միայն ցանկանում ենք, որ նա լիարժեք մարզավիճակում լինի, որպեսզի կարողանա լավագույնս դրսևորել: Չեմ կասկածում, որ Նեյմարի հետ թիմի խաղն էլ ավելի լավ կլինի։
Մենք ճիշտ արեցինք, որ վերջին անգամ չզանգահարեցինք նրան, հատկապես այն բանի պատճառով, թե ինչ եղավ հետո նրա վնասվածքի հետ: Մենք շատ զգույշ էինք, քանի որ հետևում էինք նրա իրավիճակին։
Մենք ճիշտ մոտեցում ենք ցուցաբերել: Նախ ցանկանում ենք, որ նա վերականգնի իր մարզավիճակը ակումբում։ Հետո նա կվերադառնա հավաքական, քանի որ նա պետք է մեզ։ Չեմ կասկածում, որ նա կշարունակի աճել թիմի հետ»,- Դորիվալայի խոսքերն է մեջբերում Goal-ը:
