«Մանչեսթեր Սիթին» կարող է թանկարժեք ֆուտբոլիստով ուժեղացնել թիմի պաշտպանության աջ եզրը։ Անգլիական գրանդը հետաքրքրված է Լևերկուզենի «Բայերի» պաշտպան Ժերեմի Ֆրիմպոնգի ծառայություններով։

Ինչպես հայտնում է Football Insider-ը, անգլիական գրանդը հոլանդացուն դիտարկում է որպես 34-ամյա Քայլ Ուոքերի պոտենցիալ փոխարինող։

Այս մրցաշրջանում 23-ամյա ֆուտբոլիստը «Դեղագործների» կազմում 16 հանդիպում է անցկացրել բոլոր մրցաշարերում՝ դառնալով մեկ գոլի և 6 գոլային փոխանցման հեղինակ։

Transfermarkt-ը ֆուտբոլիստի արժեքը գնահատում է 50 միլիոն եվրո։