«Մալագայի» կիսապաշտպան Անտոնիո Կորդերոն հայտնվել է իսպանական երկու գրանդների ուշադրության կենտրոնում։
Ըստ Marca-ի, ֆուտբոլիստին իրենց շարքեր են ցանկանում տեսնել կատալոնական «Բարսելոնան» և Մադրիդի «Ռեալը»։ Նշվում է, որ կատալոնական ակումբը ցանկանում էր ավարտին հասցնել գործարքը նախորդ ամռանը, սակայն «Մալագան» բաց չթողեց իր ֆուտբոլիստին։ «Արքայական» ակումբը նույնպես հարցում է կատարել ֆուտբոլիստի վերաբերյալ։
Կորդերոյի և «Մալագայի» միջև գործող աշխատանքային պայմանագիրը գործում է մինչև հաջորդ տարվա կեսերը։
Այս մրցաշրջանում կիսապաշտպանը մասնակցել է 13 հանդիպման՝ դառնալով 3 գոլի և 3 գոլային փոխանցման հեղինակ։
