«Մանչեսթեր Յունայթեդը» հետաքրքրված է «Պարի Սեն Ժերմենի» հարձակվող Ռանդալ Կոլո-Մուանիի ծառայություններով։ «Կարմիր սատանաները» որոնք նախկինում ֆրանսիացու հավակնորդների թվում էին, շարունակում են հետաքրքրվել և պատրաստ են հունվարին պայքարել ֆուտբոլիստի համար։

Ինչպես հայտնում է լրագրող Քրիստոֆեր Միշելը, անգլիական գրանդի համար դժվար կլինի գործարքն ավարտին հասցնել ֆինանսական սահմանափակումների պատճառով։ Միակ իրագործելի տարբերակը հիմա վարձակալությունն է։

Հիշեցնենք, որ Ռանդալ Կոլո-Մուանին ՊՍԺ է տեղափոխվել 2023 թվականին Ֆրանկֆուրտի «Այնտրախտից» 95 միլիոն եվրոյի դիմաց, բայց երբեք չի դարձել Լուիս Էնրիկեի թիմում կարևոր ֆուտբոլիստ։

Այս մրցաշրջանում 25-ամյա հարձակվողը 12 խաղում դարձել է 2 գոլի հեղինակ։