Աֆրիկյան ֆուտբոլի կոնֆեդերացիան ներկայացրել է տարվա լավագույն ֆուտբոլիստի կոչման հինգ հավակնորդներին։

Ցանկում ընդգրկվել են Սայմոն Ադինգրան (Կոտ դ’Իվուար, Բրայթոն), Սերո Գուիրասին (Գվինեա, Բորուսիա Դորտմունդ), Աշրաֆ Հակիմին (Մարոկկո, ՊՍԺ), Ադեմոլա Լուկմանը (Նիգերիա, Ատալանտա) և Ռոնվեն Ուիլյամսը (Հարավային Աֆրիկա, Մամելոդի Սանդաունս)։

Մրցանակաբաշխության շրջանակներում կորոշվեն նաև տարվա լավագույն դարպասապահը, մարզիչը, երիտասարդ ֆուտբոլիստը, ակումբը և թիմը։

CAF Awards 2024-ը շնորհվելու է 2024 թվականի հունվարից հոկտեմբեր կատարման համար։ Արարողությունը տեղի կունենա Մարաքեշում (Մարոկկո) 2024 թվականի դեկտեմբերի 16-ին։