Կատալոնական «Բարսելոնայի» և ամերիկյան Nike ընկերության միջև 10 ամիս տևած բանակցություններից հետո որոշում է կայացվել երկարաձգել պայմանագիրը մինչև 2038 թվականը։ Գործող համաձայնագրի ժամկետը պետք է ավարտվեր 2028 թվականին։
Ըստ AS-ի, այս գործարքը «Բլաուգրանային» կբերի մոտ 1,7 միլիարդ եվրո 14 տարվա ընթացքում, եթե պայմանագրային բոլոր պայմանները կատարվեն:
Նշվում է, որ «Բարսելոնան» դեռևս չի կարող գրանցել Դանի Օլմոյին և Պաու Վիկտորին դեկտեմբերի 31-ից հետո: Պատճառը այն է, որ Nike-ի հետ պայմանագրից ստացված նոր եկամուտներից ակումբը կկարողանա օգտագործել միայն մոտ 11 միլիոն եվրո երկարաձգման բոնուսի համամասնական բաշխումից, քանի որ միջոցների զգալի մասն արդեն բյուջե է հատկացվել դրա համար։
Հիշեցնենք, որ Դանի Օլմոն «Բարսելոնա» է տեղափոխվել այս ամառ գերմանական «Լայպցիգից»:
