«Մոնցայի» կիսապաշտպան Դանիել Մալդինիի ծառայություններով հետաքրքրված են Ա Սերիայի մի շարք բարձրակարգ ակումբներ:
23-ամյա իտալացուն հետևում են «Ինտերը», «Յուվենտուսը», «Ատալանտան» և «Ֆիորենտինան», ինչպես նաև «Միլանը»: Այս մասին հայտնում է La Gazzetta dello Sport-ը։
Մալդինիի պայմանագիրը «Մոնցայի» հետ ներառում է 12 միլիոն եվրո արժողությամբ ազատման կետ, որն ուժի մեջ կմտնի 2025 թվականի հուլիսի սկզբից և ուժի մեջ կլինի միայն մինչև ամսվա վերջ։
Դանիել Մալդինին Ա Սերիայի ընթացիկ 11 խաղում դարձել է մեկ գոլի և մեկ գոլային փոխանցման հեղինակ: Հոկտեմբերին լեգենդար նախկին պաշտպան Պաոլո Մալդինիի որդին իր նորամուտը նշեց Իտալիայի հավաքականի կազմում՝ փոխարինման դուրս գալով Ազգերի լիգայում, Իսրայելի դեմ խաղում:
