Նոյեմբերի 13-ին տեղի ունեցավ Հայաստանի Հավաքականի գլխավոր մարզչի ժամանակավոր պաշտոնակատար Սուրեն Չախալյանի և Հայաստանի հավաքականի պաշտպան Հովհաննես Համբարձումյանի մամուլի ասուլիսը։
Սուրեն Չախալյանը խոսել է Ֆարերյան Կղզիների դեմ հանդիպումից ունեցած սպասելիքների մասին։
«Ֆարերյան կղզիների թիմը լավ թիմ է։ Ֆուտբոլում շատ բան է փոխվել, եթե նայենք նրանց արդյունքները, կհամոզվենք։
Մենք մեծ հարգանքով ենք մոտենում մրցակցին և ամեն ինչ կանենք, որ հաղթենք, թե ինչպես, կտեսնենք վաղը», – ասել է հավաքականի գլխավոր մարզչի ժամանակավոր պաշտոնակատար Սուրեն Չախալյանը։
Հիշեցնենք, որ Հայաստանի հավաքականը նոյեմբերի 14-ին կհյուրընկալի Ֆարերյան Կղզիների հավաքականին։ Խաղը կկայանա 21:00-ին։
