«Մանչեսթեր Յունայթեդի» գլխավոր մարզիչի ժամանակավոր պաշտոնակատար Ռուդ վան Նիստելռոյը խոստացել է մի օր վերադառնալ «կարմիր սատանաների» ճամբար։ Այս մասին հայտնում է բրիտանական The Sun հրատարակությունը։
Ըստ աղբյուրի՝ հոլանդացի մասնագետը հեռանալուց առաջ զրուցել է ֆուտբոլիստների հետ՝ շնորհակալություն հայտնելով նրանց խաղի համար, ինչպես նաև պահանջել է, որ նրանք ամեն ինչ տան նոր գլխավոր մարզչի գլխավորությամբ։
Նշենք, որ «Մանչեսթեր Յունայթեդի» ֆուտբոլիստները գոհ էին Վան Նիստելռոյի աշխատանքից՝ հոլանդացի մասնագետի ազդեցությունն իրենց վրա գնահատելով «գերազանց»։
Հիշեցնենք, որ «Մանչեսթեր Յունայթեդի» նոր գլխավոր մարզիչ է նշանակվել Ռուբեն Ամորիմը, ով պաշտոնապես ստանձնել է իր պաշտոնը նոյեմբերի 11-ին։
