Ֆուտբոլում VAR-ին այլընտրանք կարող է հայտնվել:
Ըստ ESPN-ի՝ ՖԻՖԱ-ն ցանկանում է շարունակել FVS համակարգի թեստավորումը, որը թույլ է տալիս մարզիչներին հարցումներ կատարել՝ տեսահոլովակները դիտելու համար: Այն օգտագործվել է մինչև 17 և 20 տարեկան կանանց աշխարհի առաջնությունում։
Համաշխարհային ֆուտբոլի ղեկավար մարմինը հուսով է, որ Ֆուտբոլի միջազգային ասոցիացիայի խորհուրդը, որը կարգավորում է խաղի կանոնները, թույլ կտա FVS-ն օգտագործել այլ մրցաշարերում։
Նախատեսվում է, որ խաղացող թիմերից յուրաքանչյուրի մարզիչը յուրաքանչյուր խաղում երկու խնդրանքի իրավունք կունենա, որից հետո գլխավոր մրցավարը կդիտի կրկնությունները՝ առանց տեսաօգնականների հետ կապվելու։
Առայժմ նրանք ցանկանում են օգտագործել համակարգը միայն «ավելի քիչ ռեսուրսներով» լիգաներում, որտեղ մեկ խաղում կարող է աշխատել ոչ ավելի, քան 4-5 տեսախցիկ:
