«Մանչեսթեր Յունայթեդի» նախկին գլխավոր մարզիչ Օլե Գունար Սուլշերը նշել է, թե որ դեպքում է պատրաստ վերսկսել մարզչական կարիերան։
51-ամյա մասնագետը 2021 թվականի վերջին հեռացել է «Մանչեսթեր Յունայթեդից» և ներկայումս ապրում է իր հայրենիքում՝ Նորվեգիայում։
«Ղեկավարության ճիշտ մարդկանց հետ պետք է բավական հետաքրքիր բան լինի: Կարծում եմ՝ ազգային հավաքականում աշխատելը կարող է ինձ սազել: Մյուս կողմից՝ հիմա դա հնարավոր չէ։
Եթե այնպիսի իրավիճակ ստեղծվի, որ Ստալեն Սոլբակեն հասկանա, որ այլևս չի ցանկանում զբաղեցնել իր պաշտոնը, ես հաճույքով կքննարկեմ այդ հարցը ազգային հավաքականում հնարավոր նշանակման հետ կապված:
Ես կասեի «այո» շաբաթվա ցանկացած օր: Չեմ կարծում, որ ճիշտ է քննարկել այն աշխատանքը, որն այժմ անում են այլ մարդիկ», – Սուլշերի խոսքերը մեջբերում է NRK-ը:
Հիշեցնենք, որ Ստալե Սոլբակենը Նորվեգիայի հավաքականը գլխավորում է 2020 թվականից։
