«Բայերի» գլխավոր մարզիչ Խաբի Ալոնսոն մոտ ժամանակներս կարող է գլխավորել Մադրիդի «Ռեալը»։

Ինչպես հայտնում է TEAMtalk-ը, իսպանական ակումբի նախագահ Ֆլորենտինո Պերեսը մի քանի ամիս է, ինչ անմիջականորեն շփվում է Ալոնսոյի շրջապատի հետ: Այժմ իսպանացի մասնագետը ամենամոտն է ակումբը գլխավորելու առաջարկին համաձայնելուն։

Ավելի վաղ հայտնի էր դարձել, որ Մադրիդի «Ռեալի» ղեկավարությունը շուտով կարող է պաշտոնանկ անել թիմի գլխավոր մարզիչ Կառլո Անչելոտտիին՝ ակումբի արդյունքներից դժգոհ լինելու պատճառով։

Նշենք, որ 11 տուրից հետո «Ռեալը» 24 միավորով զբաղեցնում է Լա Լիգայի մրցաշարային աղյուսակի երկրորդ հորիզոնականը։ Չեմպիոնների Լիգայում թիմը զբաղեցնում է 17-րդ տեղը՝ չորս խաղից հետո վաստակելով 6 միավոր։