«Ինտերը» և «Բարսելոնան» հետաքրքրված են «Չելսիի» 23-ամյա կիսապաշտպան Էնցո Ֆերնանդեսով։ Այս մասին հայտնում է The Sun-ը։
Աղբյուրի համաձայն՝ արգենտինացի ֆուտբոլիստն ուրախ չէ, որ կորցրել է տեղը լոնդոնյան ակումբի մեկնարկային կազմում, և պատրաստ չէ ամիսներով նստել պահեստայինների նստարանին։
Այս մրցաշրջանում Ֆերնանդեսը բոլոր մրցաշարերում մասնակցել է 13 հանդիպման, որոնցում դարձել է մեկ գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ նախատեսված է մինչև 2032 թվականի ամառը։
Transfermarkt-ը ֆուտբոլիստի տրանսֆերային արժեքը գնահատում է 75 միլիոն եվրո։
