Մադրիդի «Ռեալի» տնօրեն Էմիլիո Բուտրագենոն մեկնաբանել է «Միլանից» կրած պարտությունը ՈւԵՖԱ-ի Չեմպիոնների լիգայի ընդհանուր փուլի խաղում։
Իսպանացիներն անսպասելիորեն պարտվեցին 1։3 հաշվով։
«Պետք է խոստովանենք, որ թիմն այս պահին իր լավագույն պահը չի ապրում։ Մենք պետք է հավաքվենք և հանգստություն պահպանենք այս իրավիճակում»,- առաջնորդի խոսքերն է հայտնում ինսայդեր Ֆաբրիցիո Ռոմանոն։
Այս պարտությունից հետո մադրիդյան թիմը վեց միավորով միայն 17-րդն է Չեմպիոնների լիգայի մրցաշարային աղյուսակում։ Իսպանական Լա Լիգայում «Լոս Բլանկոսը» երկրորդ տեղում է։
