«Բայերի» գլխավոր մարզիչ Խաբի Ալոնսոն մեկնաբանել է իր թիմի կրած ջախջախիչ պարտությունը «Լիվերպուլի» հետ Չեմպիոնների Լիգայի խաղում։
«Իհարկե, դուք կարող եք գալ «Էնֆիլդ» և պարտվել, դա այն է, ինչ տեղի է ունենում շատերի հետ: Այո, տհաճ է նման հաշվով պարտվելը, բայց սա հիանալի թիմ է, նրանք պատժեցին մեզ մեր սխալների համար։
Մենք ուզում էինք գալ այստեղ և պայքար մղել, մինչև որոշակի կետ լավ խաղացինք, բայց 20 րոպե կորցրեցինք կենտրոնացումը և պարտվեցինք։ Մնում է ընդունել այս արդյունքը և շնորհավորել «Լիվերպուլին» հաղթանակի կապակցությամբ»,- ասել է Խաբի Ալոնսոն Amazon Prime-ին տված հարցազրույցում։
