Հայտնի են դարձել 2024 թվականի «Ոսկե գնդակի» շնորհման նոր մանրամասներ։

Ինչպես տեղեկացնում է Carrusel Canalla-ն, «Ռեալը» France Football-ի որոշման մասին գիտեր դեռ հոկտեմբերի 26-ին կայացած «Բարսելոնայի» հետ խաղից առաջ (0։4)։ Արարողությունն ինքնին տեղի է ունեցել հոկտեմբերի 28-ին։

Նշվում է, որ ֆուտբոլիստի շրջապատը կասկածել է, որ բրազիլացին չի ստանա մրցանակը ուրբաթ օրը՝ հոկտեմբերի 25-ին, և կապ են հաստատել «Ռեալի» հետ։ Մադրիդյան ակումբը տեղեկացրել է ֆուտբոլիստի շրջապատին, բայց միևնույն ժամանակ նախընտրել է չասել ֆուտբոլիստին մինչև «Էլ-կլասիկո», որպեսզի չշեղի Վինիսիուսի ուշադրությունը։

Հիշեցնենք, որ «Ռեալի» ամբողջ պատվիրակությունը չէր եկել արարողությանը։ Ըստ ԶԼՄ-ների տեղեկությունների՝ իսպանական ակումբը դա արել է France Football-ի որոշման պատճառով՝ մրցանակը Վինիսիուսի փոխարեն «Մանչեսթեր Սիթիի» կիսապաշտպան Ռոդրիին հանձնելու համար։ Վերջին օրը Մադրիդի «Ռեալը» չեղարկել է թռիչքները։