Սաուդյան ակումբները նախատեսում են շարունակել օգտագործել ֆինանսական մեծ հնարավորությունները Եվրոպայից աստղային ֆուտբոլիստներ ձեռք բերելու համար։
Ինչպես հայտնում է TodoFichajes պորտալը, «Ալ-Ահլին» ցանկանում է իր շարքերում տեսնել Մադրիդի «Ռեալի» դարպասապահ Տիբո Կուրտուային։
Ըստ աղբյուրի՝ «Ալ-Ահլին» հույս ունի մեծ առաջարկով գայթակղել Կուրտուային։ Միաժամանակ նշվում է, որ «Ռեալը» Տիբոին համարում է աշխարհի լավագույն դարպասապահը, ուստի չէին ցանկանա բաժանվել նրանից։
Տիբո Կուրտուայի գործող պայմանագիրը «Ռեալի» հետ նախատեսված է մինչև 2026 թվականի կեսերը։ Transfermarkt-ը 32-ամյա բելգիացուն գնահատում է 25 միլիոն եվրո։
