«Մանչեսթեր Յունայթեդը» հետաքրքրված է «Սանդերլենդի» կիսապաշտպան Քրիս Ռիգգի ծառայություններով:
Ոչ վաղ անցյալում «կարմիր սատանաներն» արդեն հասցրել են համարվել 17-ամյա ֆուտբոլիստի հավանական գնորդներ՝ եվրոպական այլ հսկաների հետ միասին: Ինչպես հաղորդում է Football Insider-ը, «Յունայթեդի» հետաքրքրությունը խոստումնալից կիսապաշտպանի նկատմամբ բավականին լուրջ է:
Հավանական տրանսֆերի արժեքը գնահատվում է 20-30 միլիոն ֆունտ ստերլինգ, ինչը տպավորիչ գումար է՝ հաշվի առնելով ֆուտբոլիստի տարիքը: Ընթացիկ մրցաշրջանում Քրիս Ռիգը 12 հանդիպում է անցկացրել «Սանդերլենդի» կազմում՝ դառնալով երեք գոլի հեղինակ: Անգլիացու պայմանագիրը ներկայիս ակումբի հետ նախատեսված է մինչև 2027 թվականի կեսերը:
