«Լիվերպուլը» ցանկանում է գնել Մադրիդի «Ռեալի» հենակետային կիսապաշտպան Օրելիեն Չուամենիին։ Այս մասին հայտնում է TEAMtalk-ը։
Աղբյուրի համաձայն՝ մադրիդյան ակումբը ֆրանսիացի ֆուտբոլիստին գնահատում է 100 միլիոն ֆունտ (119 միլիոն եվրո): Սակայն անգլիական ակումբը պատրաստ է մեծ գումար վճարել կազմի նպատակային ուժեղացման համար։
Այս մրցաշրջանում Չուամենին բոլոր մրցաշարերում մասնակցել է 14 հանդիպման, որոնցում արդյունավետ չի եղել։ Ֆուտբոլիստի աշխատանքային պայմանագիրն ակումբի հետ նախատեսված է մինչև 2028 թվականի ամառ:
