Վերջին շաբաթների ընթացքում Սաուդյան Արաբիայի կառավարական պատվիրակությունը Մադրիդի «Ռեալի» հարձակվող Վինիսիուս Ժունիորի շրջապատի հետ քննարկել է ֆուտբոլիստի Սաուդյան Արաբիայի առաջնություն հնարավոր տեղափոխության պայմանները, հայտնում է լրագրող Սանտի Աունը։

Ըստ աղբյուրի՝ 24-ամյա բրազիլացուն հավակնոտ նախագիծ են ներկայացրել։ Նրան առաջարկվել է չորս տարվա պայմանագիր «Ալ-Հիլալի» հետ, ինչը նրան կդարձնի պատմության ամենաբարձր վարձատրվող ֆուտբոլիստը։

Նշվում է, որ Վինիսիուսին խոստացել են, որ նա իրավունք կունենա քվեարկելու ակումբի կազմի ձևավորման ժամանակ։

Սաուդյան Արաբիան ցանկանում է բրազիլացի հարձակվողի հետ պայմանագիր կնքել 2026 թվականին։

Ավելի վաղ տեղեկություններ էին հայտնվել, որ Վինիսիուսը և նրա շրջապատը սկսել են լրջորեն մտածել մադրիդյան ակումբից հեռանալու մասին այն բանից հետո, երբ ֆուտբոլիստը չի ստացել «Ոսկե գնդակը»։