Մադրիդի «Ռեալը» հայտարարել է, որ 1 միլիոն եվրո է հատկացրել Իսպանիայի հարավ-արևելքում սաստիկ ջրհեղեղից տուժածներին օգնելու համար։
«Ռեալ Մադրիդ» հիմնադրամը և Կարմիր Խաչն այսօր դրամահավաք են սկսել՝ օգնելու փոթորկից տուժածներին։ «Ռեալ Մադրիդը» աջակցել է այս արշավին՝ նվիրաբերելով 1 միլիոն եվրո՝ օգնելու բազմաթիվ ընտանիքների, որոնք գտնվում են կրիտիկական իրավիճակում և մեր օգնության և համերաշխության կարիքն ունեն»,- ասվում է ակումբի տարածած հաղորդագրության մեջ։
Ջրհեղեղի զոհերի թիվն անցել է 150-ից։ Ամենաշատը տուժել է Վալենսիայի շրջանը։
