Մադրիդի «Ռեալը» նախատեսում է պայմանագիր կնքել 2024 թվականի «Ոսկե գնդակի» դափնեկիր, «Մանչեսթեր Սիթիի» կիսապաշտպան Ռոդրիի հետ։ Այս մասին հայտնում է AS-ը։
28-ամյա իսպանացու պայմանագիրն անգլիական ակումբի հետ նախատեսված է մինչև 2027 թվականի ամառը։ Ենթադրվում է, որ ֆուտբոլիստը ընտրություն է կատարելու անգլիական թիմի հետ պայմանագիրը երկարաձգելու և մադրիդյան ակումբ տեղափոխվելու միջև։
Աղբյուրի համաձայն՝ ֆուտբոլիստի գործակալ Պաբլո Բարկերոն, ով ներկայացնում է նաև «սերուցքայինների» նախկին հարձակվող Ռաուլ Գոնսալեսը և սերտ կապեր ունի ակումբի ղեկավարության հետ, արդեն առաջարկ է ստացել «Մանչեսթեր Սիթիից» Ռոդրիի համար նոր պայմանագիր կնքելու համար։ Այնուամենայնիվ, իսպանացուն, ով ծնունդով մադրիդցի է, շատ է հավանում հայրենի քաղաք վերադառնալու և աշխարհի ուժեղագույն ակումբներից մեկին միանալու գաղափարը։
Ավելի վաղ հաղորդվում էր, որ Մադրիդի «Ռեալը» հրաժարվել է պատվիրակություն ուղարկել Փարիզ՝ «Ոսկե գնդակի» հանձնման արարողությանը՝ իմանալով, որ մրցանակի դափնեկիրը կլինի ոչ թե ակումբի Վինիսիուս Ժունիորը, այլ Ռոդրին։
Կիսապաշտպանը «Սիթիում» հանդես է գալիս 2019 թվականից։ Transfermarkt-ը ֆուտբոլիստի արժեքը գնահատում է 130 միլիոն եվրո։
