Երեքշաբթի օրը Ա Սերիայի մրցաշարային աղյուսակը գլխավորող նեապոլցիները արտագնա հանդիպում կունենան «Միլանի» հետ։ «Նապոլիի» գլխավոր մարզիչ Անտոնիո Կոնտեն նշել է, թե ինչ է մտածում «Միլանի» մասին։
«Միլանը» շատ ուժեղ խաղացողներ ունի, մենք վաղը կսկսենք նախապատրաստվել հանդիպմանը։ Լեաուն ունակ է որոշել խաղերի ելքը, և եթե նրան տարածություն տանք, նրան կանգնեցնելը շատ դժվար կլինի։ Բայց «Միլանը» միայն Լեաուն չէ»,- Կոնտեի խոսքերն է մեջբերում լրագրող Նիկոլո Սկիրան։
«Նապոլին» այս պահին ունի 22 միավոր: «Միլանը» հետ է մնում ութ միավորով, մեկ խաղ պակաս է անցկացրել և զբաղեցնում է 6-րդ հորիզոնականը։
