Մադրիդի «Ռեալի» հարձակվող Ռոդրիգոն վնասվածք է ստացել Դորտմունդի «Բորուսիայի» դեմ Չեմպիոնների Լիգայի վերջին խաղում։ Հինգշաբթի օրը մադրիդյան ակումբի մամուլի ծառայությունը հայտարարեց Ռոդրիգոյի ախտորոշման մասին, սակայն ոչինչ չասաց նրա ապաքինման ժամկետների մասին։
Ինչպես հայտնում է լրագրող Արանչա Ռոդրիգեսը սոցիալական ցանցերում, Ռոդրիգոյի ապաքինումը կտևի 15-ից 20 օր։ Այսպիսով, բրազիլացին խաղադաշտ կվերադառնա նոյեմբերի կեսերին մոտ: Իսպանիայի առաջնության հաջորդ հանդիպումը «Ռեալը» կանցկացնի շաբաթ օրը՝ հոկտեմբերի 26-ին, սեփական հարկի տակ «Բարսելոնայի» հետ:
Էլ Կլասիկոն բաց կթողնի ոչ միայն Ռոդրիգոն, այլեւ դարպասապահ Տիբո Կուրտուան։
