«Բարսելոնայի» ֆուտբոլիստները վազքի ցուցանիշով զգալիորեն գերազանցել են «Բավարիային»:
Չեմպիոնների լիգայի ընդհանուր փուլի 3-րդ տուրի երեկվա հանդիպումն ավարտվեց Բարսելոնայի հաղթանակով 4։1 հաշվով։

Խաղի ընթացքում «Բարսելոնայի» ֆուտբոլիստներն ընդհանուր առմամբ վազել են 126,5 կմ: «Բավարիայի» ֆուտբոլիստները վազել են 7 կիլոմետր պակաս՝ 119,2 կմ: 2020 թվականին «Բավարիայի» հետ այս հանդիպման ժամանակ, որում «Բարսելոնան» պարտվել է 2։8 հաշվով, կատալոնական թիմի ֆուտբոլիստներն անցել են ընդամենը 98 կիլոմետր։

Չեմպիոնների լիգայի առաջին երեք խաղերում «Բարսելոնայի» խաղացողներից ամենաերկար տարածությունը հաղթահարել է 21-ամյա կիսապաշտպան Մարկ Կասադոն՝ 35,6 կմ։ Այս ցուցանիշով երկրորդ տեղը զբաղեցրել է պաշտպան Ժյուլ Կունդեն, ով մրցաշարի 3 հանդիպումներում վազել է 32,7 կմ։