Նախկին մրցավար Անտոնիո Մաթեո Լաոսը կոչ է արել ՈւԵՖԱ-ին հրապարակել մրցավարների և VAR-ի բանակցությունները։
Լաոսը մեկնաբանել է Չեմպիոնների լիգայի «Ատլետիկո» – «Լիլ» խաղում 11 մետրանոց նշանակելը։
74-րդ րոպեին 1:1 հաշվով իտալացի մրցավար Մարկո Գիդան 11 մետրանոց նշանակեց «Ատլետիկոյի» դեմ այն բանից հետո, երբ Բենժամին Անդրեն Կոկեի հետ գնդակի համար պայքարելիս ընկավ։ 11 մետրանոց հարվածիծ գոլի հեղինակ դարձավ Ջոնաթան Դեյվիդը: Այս դրվագի կապակցությամբ «Ատլետիկոն» դիմել է ՈՒԵՖԱ-ին։
«Ֆուտբոլում անորոշ պահեր կան։ 20-30 վայրկյան հետո անհրաժեշտ է դատավորին ուղարկել դիտելու: Նա տեսավ դրվագը մեկ տեսանկյունից։ Անհնար է բացատրել։ Վաղը երեխաներս ինձ կհարցնեն այս մասին, իսկ ես չեմ կարողանա բացատրել։ VAR-ը հորինվել է հենց այսպիսի հանդիպումների համար։
Սա ՈՒԵՖԱ-ի համար անհավանական հնարավորություն է՝ բացելու այս սև արկղը և ցույց տալու մեզ բանակցությունները։ Ինձ թվում է, որ այս հարցը պետք է լուծվեր 30 վայրկյանում։
Դժվար երեկո էր։ Դեռևս պաշտոնական տեղեկություն չկա, և մենք փորձում ենք հասկանալ, թե ինչ է տեղի ունեցել։
Խաղադաշտում իսկապես կարող ես սխալվել։ Մենք պարզապես կենդանի էակներ ենք, ովքեր դիտում են Չեմպիոնների լիգան։ Խաղերն ընթանում են անհավանական արագությամբ, և մրցավարներն օգնության կարիք ունեն»,- ասել է նախկին մրցավարը Movistar-ի եթերում:
