«Արսենալը», որը հետաքրքրություն է ցուցաբերում «Յուվենտուսի» 24-ամյա հարձակվող Դուշան Վլահովիչի նկատմամբ, պատրաստ է նրան գնել 60 միլիոն եվրոյով, հաղորդում է Caught Offside-ը։
Աղբյուրի համաձայն՝ սերբ ֆուտբոլիստին ձեռք բերելու «զինագործների» շանսերը մեծացել են թուրինյան ակումբի հետ պայմանագրի երկարաձգման դժվարությունների պատճառով։
Եթե կողմերը չկարողանան համաձայնության գալ նոր աշխատանքային պայմանագրի շուրջ, ապա «Յուվենտուսը» պատրաստ է այս ամառ բաժանվել Վլահովիչից նշված գումարի դիմաց, որպեսզի ֆուտբոլիստին անվճար չկորցնի, քանի որ նրա պայմանագիրը նախատեսված է մինչև 2026 թվականի հունիսի 30-ը:
Այս մրցաշրջանում Վլահովիչը բոլոր մրցաշարերում մասնակցել է 10 հանդիպման, որոնցում դարձել է յոթ գոլի և մեկ գոլային փոխանցման հեղինակ։
