Պրեմիեր Լիգայի պատմության լավագույն ռմբարկու Ալան Շիրերը մեկնաբանել է Անգլիայի հավաքականի գլխավոր մարզիչ Տուխելի նշանակումը։
«Մենք ունենք լավագույն խաղացողները և նրանք կխաղան դեռ երկար ժամանակ։ Թոմաս Տուխելի նպատակը Անգլիայում պետք է լինի գավաթ նվաճելը: Մեզ պետք է գավաթ, դա պարզ է. Մեզ պետք է մարզիչ, ով կարող է դա անել:
Կասկածից վեր է, որ Տուխելը անհավանական կենսագրություն ունի, բայց սա նրա համար բոլորովին այլ փորձություն կլինի», – ասել է Անգլիայի հավաքականի նախկին հարձակվող Շիրերը The Rest is Football-ի փոդքաստում:
Գերմանացու պայմանագիրը, ով նախկինում աշխատել է Դորտմունդի «Բորուսիայում», ՊՍԺ-ում, «Չելսիում» և «Բավարիայում», նախատեսված է մինչև 2026 թվականի աշխարհի առաջնության ավարտը։
