Արգենտինայի հավաքականի ավագ Լիոնել Մեսսին խոստովանել է, որ շոյվում է, երբ երկրպագուները վանկարկում են իր անունը, ինչպես եղավ 2026 թվականի աշխարհի առաջնության ընտրական փուլի Բոլիվիայի դեմ խաղում (6:0), որում արգենտինացին 3 գոլ խփեց և 2 գոլային փոխանցում կատարեց։
«Շատ հաճելի է լինել այստեղ և զգալ մարդկանց սերը։ Ինձ հուզում է, երբ նրանք վանկարկում են իմ անունը։
Ես չեմ մտածում իմ ապագայի հետ կապված որևէ ամսաթվերի կամ վերջնաժամկետների մասին, ես պարզապես ուզում եմ վայելել այն, ինչ տեղի է ունենում:
Այժմ այստեղ լինելը և մարդկանց սերը զգալն ինձ ավելի է հուզում, քան երբևէ, քանի որ դրանք կարող են լինել իմ վերջին հանդիպումները:
Ես ուզում եմ վայելել այն փաստը, որ ես երջանիկ եմ այնտեղ, որտեղ ես եմ։ Ազգային հավաքականում ինձ միշտ երեխա եմ զգում, քանի որ այս թիմում ինձ շատ հարմարավետ եմ զգում։ Քանի դեռ ես ինձ լավ եմ զգում և կարող եմ հանդես գալ իմ ուզած մակարդակով, ես կշարունակեմ հաճույք ստանալ դրանից»,- Մեսսիի խոսքերն է մեջբերում mundoalbiceleste.com-ը:
