Ֆրանսիայի հավաքականի և Մադրիդի «Ռեալի» հարձակվող Կիլիան Մբապպեն արձագանքել է շվեդական մամուլի լուրերին։
Ավելի վաղ լրատվամիջոցները հայտնել էին, որ Ստոկհոլմի ոստիկանությունը հետաքննություն է սկսել այն բանից հետո, երբ մի կին բողոքել է ենթադրյալ բռնաբարության մասին, որը տեղի է ունեցել այն հյուրանոցում, որտեղ Մբապպեն և նրա հարազատները անցած շաբաթ երկու օր են անցկացրել։
«Կեղծ լուրեր։ Այնքան կանխատեսելի է, որ լսումների նախորդ օրը այս լուրը հայտնվեց կարծես պատահաբար»,- գրել է Մբապպեն սոցցանցի իր էջում։
Հավանաբար Մբապպեն նկատի ուներ ՊՍԺ-ի գործով լսումները։ Փարիզյան ակումբը ֆրանսիացի ֆուտբոլիստին 50 միլիոն եվրո է պարտք։
Ավելի վաղ մամուլում տեղեկություն էր հայտնվել, որ Ֆրանսիայի գործող չեմպիոնը 2024 թվականի ապրիլից չի վճարել Մբապպեի աշխատավարձերը և տարբեր բոնուսներ։
