ՈւԵՖԱ Ազգերի լիգայի խաղարկության շրջանակում Հայաստանի ազգային հավաքականը արտագնա խաղում մրցեց Ֆարերյան կղզիների ընտրանու հետ։
Հանդիպման հաշիվը բացվեց 37-րդ րոպեին, աչքի ընկավ հյուրերի ֆուտբոլիստ Բենջամինսենը։ Րոպեներ անց Հայաստանի հավաքականը տուգանային հարվածի հնարավորություն ստացավ, որը անվրեպ իրացրեց Լուկաս Սելարայանը։ Առաջին խաղակեսը ավարտվեց 1։1 հաշվով։
Երկրորդ խաղակեսի 85-րդ րոպեին տանտերերը կրկին առաջ անցան հաշվի մեջ, աչքի ընկավ Բյարտալոն։ Հայաստանի հավաքականին պարտությունից փրկեց Գոռ Մանվելյանը՝ խփելով իր առաջին գոլը հավաքականի կազմում։
Այսպիսով, հանդիպումն ավարտվեց ոչ-ոքի 2։2 հաշվով։
Հիշեցնենք, որ Հայաստանի հավաքականը հոկտեմբերի 13-ին Երևանի Վազգեն Սարգսյանի անվան «Հանրապետական» մարզադաշտում կընդունի Հյուսիսային Մակեդոնիային։
