«Արսենալի» նորվեգացի կիսապաշտպան Մարտին Էդեգորը խոսել է վնասվածքից իր ապաքինման մասին։
«Վերջերս ես շատ առաջադիմեցի։ Ես ինձ ամեն օր ավելի լավ եմ զգում: Այժմ ամեն ինչ ավելի լավ է թվում, քան ի սկզբանե սպասվում էր։ Հուսով եմ, որ իմ հետագա ապաքինումը երկար չի տևի»,- ֆուտբոլիստի խոսքերն է մեջբերում Daily Mail-ը։
Ֆուտբոլիստը «զինագործների» կազմում հանդես է գալիս 2021 թվականի օգոստոսից։ Էդեգորի ներկայիս պայմանագիրը լոնդոնյան ակումբի հետ ուժի մեջ է մինչև 2028 թվականի հունիսի վերջը։ 25-ամյա կիսապաշտպանի տրանսֆերային արժեքը գնահատվում է 110 մլն եվրո։